Босанската инфлуенсерка и гимнастичарка – Мејрем Чуљевиќ се најде на удар од турските медиуми и власти откако објави видео на својот Инстаграм профил на кое танцува околу столб со знамето на Турција.
Се вели дека видеото е направено во Кападокија, а знамето на Турција е прикажано на столбот, земја каде што непочитувањето на него се смета и за непочитување на државните симболи.
Турските власти затоа започнаа истрага врз основа на членовите 300 и 301 од Кривичниот законик, кои се однесуваат на навреда на националното знаме и навреда на турската нација и/или нејзините институции.
Во писмено соопштение издадено на 21 август од канцеларијата на гувернерот на турскиот град Невшехир, беше објавено дека безбедносните единици спроведуваат „итна“ истрага и откривање врз основа на објави во некои медиуми и платформи на социјалните медиуми.
„Канцеларијата на нашиот гувернер го следи овој гнасен инцидент, кој го сметаме за непочитување на националните и моралните вредности на нашата сакана нација, со педантност и чувствителност“ стои во соопштението.
Медиумите во Турција пишуваат дека казната за ваков прекршок може да достигне и до 4 години затвор.