Американскиот претседател Доналд Трамп изрази голем оптимизам пред утрешниот самит со рускиот претседател Владимир Путин во Алјаска, велејќи дека верува оти Путин доаѓа подготвен да склучи договор за прекин на војната во Украина.
Најавата на Трамп доаѓа и покрај тоа што претставниците на Белата куќа претходно оваа недела ја намалија важноста на состанокот, нарекувајќи го ништо повеќе од „вежба за слушање“.
„Верувам дека сега е уверен дека ќе склучи договор. Ќе склучи договор. Мислам дека ќе склучи. И ќе дознаеме – ќе дознаам многу наскоро“, изјави Трамп денес во „Шоуто на Брајан Килмид“ на Фокс радио.