Началникот на Генералштабот на израелските одбранбени сили, генерал-потполковник Ејал Замир, вели дека војската „одобрила планови за освојување на Газа“ за време на денешната посета на јужен Либан.
Не е јасно дали Замир се осврнува на Газа или на целиот Појас. Владата на премиерот Бенјамин Нетанјаху ѝ нареди на војската да се подготви за освојување на Газа, а подоцна и на другите преостанати упоришта на Хамас во Појасот.
„Утрово ги одобривме плановите за освојување на Газа и сега сме во Либан. Во исто време, дејствуваме во Сирија, Јемен, Јудеја и Самарија (Западниот Брег) и го следиме развојот на настаните во Иран. Војуваме на повеќе фронтови“, рече Замир за време на посетата на воена позиција во јужен Либан, според изјавите објавени од Израелските одбранбени сили.