Американскиот претседател изјави дека и Украина и Русија ќе мора да отстапат територија една на друга за да се стави крај на војната.
„Ќе има размена на територија. Тоа го знам од разговорите со Русија и другите страни и тоа е во интерес на Украина“, рече тој, според Ројтерс.
Трамп рече дека Русија окупирала некоја многу вредна територија, но дека ќе се обидат да вратат дел од таа територија.
Американскиот претседател рече дека неговата средба со рускиот претседател Владимир Путин во петокот во Алјаска ќе биде средба за „меѓусебно запознавање“, со цел да се поттикне Русија да ја заврши војната во Украина.
„Значи, ќе разговарам со Владимир Путин и ќе му кажам: мора да ја завршите војната во Украина.“