Петмина српски државјани се повредени во ужасна експлозија што се случи денес, околу 15 часот, во приватен сместувачки капацитет во Аспровалта.
Според неофицијални информации, 41-годишен маж се здобил со сериозни телесни повреди во форма на тешки изгореници.
Сите се однесени во болница со брза помош.
Се тврди дека експлодирала плинска боца, а истрагата е во тек, по што ќе бидат познати повеќе детали.
Силата на експлозијата ги откорнала решетките на прозорците, а ролетните излетале.
Четворица oд повредените наводно се здобиле со повреди во форма на исеченици од стаклото што се скршило во експлозијата, додека мажот (41) се здобил со тешки изгореници на неколку места по телото.
Полицијата го привела сопственикот на сместувачкиот капацитет, кој има 86 години.