Сенатот на Соединетите Американски Држави, по иницијатива на демократот Берни Сандерс, повторно гласаше за забрана на продажбата на американско оружје на Израел. Иако гласањето покажа дека Америка сè уште не е подготвена за таков чекор, а иницијативата беше отфрлена, седницата покажа и дека бројот на оние кои се противат на потезите на Израел во Газа расте.
LIVE: I'm on the floor of the U.S. Senate forcing a vote to stop the sale of weapons to Israel.
Americans don't want to be complicit in an unfolding famine and daily massacres of the Palestinian people. https://t.co/P3x7sJcjyC
— Sen. Bernie Sanders (@SenSanders) July 31, 2025
За разлика од претходните гласања, овој пат 12 нови сенатори од Демократската партија гласаа против продажбата на оружје, кои претходно ја поддржуваа продажбата.
„Членовите на Демократската група на Сенатот, со 27 гласа за и 17 против, гласаа за прекин на испраќањето оружје до владата на Нетанјаху, која води ужасна, неморална и нелегална војна против палестинскиот народ. Ситуацијата се менува. Американскиот народ не сака да троши милијарди за гладни деца во Газа. Демократите напредуваат по ова прашање и со нетрпение ја очекувам поддршката од републиканците во блиска иднина“, рече Сандерс.
Сенаторот Сандерс имаше и порака за израелскиот премиер Бенјамин Нетанјаху.
– Нетанјаху е одвратен лажго. Деца умираат од глад. САД не можат да продолжат да ѝ обезбедуваат на расистичката влада стотици милиони долари воена помош што се користи за убивање невини луѓе, рече Сандерс.