Руските војници ја презедоа контролата врз украинскиот град Часов Јар во регионот Донецк, соопшти руското Министерство за одбрана.
„Како резултат на офанзивните операции на Јужната група трупи во правец Краматорск-Дружковка, градот Часов Јар на Донецката Народна Република е ослободен“, се вели во соопштението, пренесе ТАСС.
Часов Јар е град од големо оперативно и стратешко значење, бидејќи отвора пат кон Славјанско-Краматорск, како и Константиновка, кои се под контрола на украинските вооружени сили, соопшти агенцијата.