Украинскиот министер за одбрана Денис Шмихал денес изјави дека Украина ќе има потреба од најмалку 120 милијарди долари за одбрана следната година.
„Следната година, на земјата ќе ѝ бидат потребни најмалку 120 милијарди долари за одбрана. Работиме со други земји за да привлечеме половина од оваа сума со поддршка на сојузниците. Веќе водиме суштински преговори со членките на ЕУ и НАТО“, забележа Шмихал на Телеграм.
Според него, голем број странски компании се подготвени да соработуваат со Украина и да работат во Украина, а посебен фокус е ставен на нови испораки на најефикасните средства за заштита на нашето небо, вклучително и оние способни да соборуваат балистички цели.
– Потребни се дополнителни средства за развој на украинската индустрија, особено за производство на беспилотни летала со FPV, беспилотни летала со долг дострел и пресретнувачи, рече Шмихал.
Тој ја нагласи подготвеноста на Украина да „сподели уникатно борбено искуство, технологии и иновации со партнерите“.
„Предлагаме сојузниците да создадат заеднички вложувања, да трансферираат лиценци и да отворат производствени капацитети во партнерските земји. За време на војната, ваквите производи ќе бидат насочени кон потребите на украинските одбранбени сили, а во иднина ќе ги зајакнат и нашите партнери“, напиша Шмихал.