Претседателот на Европскиот совет, Антонио Кошта, изјави дека „не е тешко да се предвиди“ каков заклучок би дошла дипломатската мисија на ЕУ во истрагата за тоа дали Израел го крши меѓународното право во Појасот Газа, што би можело да влијае на Договорот за соработка меѓу Брисел и Тел Авив.
„Ситуацијата во Газа, секако, е целосно неприфатлива. Дипломатската служба на ЕУ во моментов проценува дали Израел ги исполнува своите обврски според меѓународното право. Но, гледајќи телевизија и читајќи весници, мислам дека не е тешко да се предвиди каков ќе биде заклучокот“, изјави Кошта за новинарите.
Европската служба за надворешни работи (ЕЕАС) е задолжена да го испита Договорот за соработка на ЕУ со Израел, кој го прогласува почитувањето на човековите права и демократските принципи за „суштински елемент“ што ја поткрепува соработката меѓу Брисел и Тел Авив.
Широка коалиција од 17 земји-членки на ЕУ, предводена од Холандија, инсистираше на преиспитување на односите, што ќе биде презентирано на состанокот на министрите за надворешни работи на 23 јуни.
Четири неименувани дипломати изјавија за Политико дека се зголемува притисокот врз Европската комисија да излезе со предлози што би го намалиле обемот на односите во области како што е трговијата, доколку се утврди дека Израел ги прекршил тие одредби.