Земјотрес со интензитет од 4,8 степени според Рихтеровата скала е регистриран во 3.06 часот наутро по локално време во Коринтскиот Залив во Грција, соопшти Атинскиот геодинамички институт.
Силен земјотрес со јачина од 4,8 степени регистриран во Коринтскиот Залив бил почувствуван и во Атика, објавува „Катимерини“.
Во соопштението од Атинскиот геодинамички институт се вели дека епицентарот на земјотресот бил 13 километри југоисточно од Галаксиди, со фокус на длабочина од 13,5 км.
Коринтскиот Залив е чувствителна зона која се карактеризира со висока сеизмичност и чести земјотреси, според „Катимерини“.
