Русија ќе продолжи да помага во зајакнувањето на одбранбените капацитети на африканските земји и да ја обезбедува нивната прехранбена и енергетска безбедност, изјави денес рускиот министер за надворешни работи Сергеј Лавров.
„Ќе продолжиме да им помагаме на заинтересираните африкански земји во зајакнувањето на нивните одбранбени капацитети и борбата против тероризмот, обезбедувајќи безбедност на храната и енергијата“, рече Лавров на свечениот прием посветен на Денот на Африка, пренесе Интерфакс.
Тој, исто така, го истакна одржливиот развој на трговските и економските односи меѓу Русија и африканските земји, истакнувајќи дека „минатата година, трговскиот промет меѓу Русија и Африка надмина 27,7 милијарди долари“.