Украинскиот претседател Володимир Зеленски нареди формирање на постојана, проширена национална преговарачка група за ставање крај на војната и воспоставување вистински, сигурен мир.
Тој изјави дека одржал состанок за дипломатска работа за завршување на војната и воспоставување вистински и сигурен мир и додаде дека украинскиот министер за одбрана Рустем Умеров известувал за работата на украинската делегација и за преговарачкиот процес во Турција.
„Состаноците на 15 и 16 мај му ја покажаа на светот нашата подготвеност да го доближиме мирот и соодветно, потребата да се изврши притисок врз Русија да ја прекине војната. Всушност, најголемиот резултат на состанокот беше договорот за размена на воени заробеници во форматот „1000 за 1000“ – посочи Зеленски.