Украинскиот претседател Володимир Зеленски потврди дека Киев во текот на ноќта не добил разузнавачки информации од партнерите со кои би се предупредило за можни напади.
„За жал, немаше предупредување од партнерите“, напиша Зеленски на својот канал на Телеграм.
Според извештаите на украинските медиуми, отсуството на предупредување се однесува на рускиот напад со балистичка ракета врз Киев. Украинскиот претседател претходно ја истакна важноста на разузнавачката поддршка од партнерите за откривање на закани и заштита на населението.