Претседателот на САД, Доналд Трамп и саудискиот престолонаследник Мохамед бин Салман, де факто владетел, се ракуваа и потпишаа економски договор меѓу САД и Саудиска Арабија.
Договорот вклучуваат енергетска соработка, модернизација на саудиските вооружени сили, судска соработка меѓу Министерството за правда во САД и саудиското судство, помош меѓу царинските власти и соработка меѓу музејот Смитсонијан и саудиските институции.
Ова е еден од првите чекори на претседателот Доналд Трамп при посетата на Саудиска Арабија. Целта на посетата е справување со повеќекратни кризи и конфликти низ регионот. Трамп беше пречекан од престолонаследникот Мохамед бин Салман.
По склучувањето на договорот Трамп и престолонаследникот треба да разговараат за напорите на САД за демонтирање на нуклеарната програма на Иран, како и завршување на војната во Газа, но дополнително и задржување на цените на нафтата.
