Британската влада утрово објави официјално соопштение за трговскиот договор меѓу Обединетото Кралство и Соединетите Американски Држави. Иако договорот се уште не е официјално потврден, се укажува на тоа дека е постигнат.
“Премиерот секогаш ќе дејствува во британскиот национален интерес – за работниците, бизнисите и семејствата. Соединетите Држави се незаменлив сојузник, и економски и во однос на прашањата за националната безбедност. Разговорите за договорот напредуваат брзо, а премиерот ќе даде повеќе информации во текот на денот”, рече Даунинг стрит.
Кир Стармер, лидерот на Лабуристичката партија, утрово има говор на Денот на победата во Европа (ВЕ), па ќе биде интересно да се види дали тогаш ќе го спомене договорот.
Ако не, се очекува нешто да се слушне за тоа во парламентот, а подоцна во текот на денот – во 15 часот по локално време – најавено е официјално обраќање од САД, кое синоќа го најави Доналд Трамп.
Секретарот за одбрана Џон Хили утринава изјави за Sky News дека не може да ги прејудицира случувањата пред официјалното соопштение од Даунинг стрит, но додаде: „Уверен сум дека нашите преговарачи ќе обезбедат добар договор со Америка“.