Инвалидите револтирани-власта и покрај нивната судбина и мака,ги тера да го докажуваат својот инвалидитет. Тие денеска мораа да дојдат до Заводот за рахабилитација да ги проверат дали се инвалиди, а велат никој не ги ни прегледал-само им ги зеле парите.
На власта и на скопскиот градоначалник им порачаа, само еден ден да го минат во количка по скопските улици, за да ги сфатат нивните маки и секојдневие.
И судбината ги казнила, а сега и државата грубо си поигрува. Сите инвалиди, параплегичари, луѓе без вид, согласно Законот, ќе треба да се прегледаат и да достават потврда за својата инвалидност.
Инвалиднината е нешто повеќе од 4.200, а за документот треба да платат по 2.500 денари.
„Инвалиднината доцни два месеци, а лани за избори, два пати во еден месец добивме, вели Мерима Јонузовска, која е параплегичар, 100% инвалид, последица од сообраќајна несреќа.
По 36 години, документот не и важи и прашува, зарем може параплегичар да прооди, вели, тогаш Македонија би била земја на чудата.
Сите се изреволтирани но не сакаат да говорат, се плашат.
Мерима духот не ја напушта и се бори.