Најмалку две лица загинаа во Киев во текот на ноќта кога остатоци од дрон погодија станбени згради, предизвикувајќи пожари во неколку населби, соопштија агенцијата за цивилна заштита и градоначалникот Виталиј Кличко.
Night of terror in Kyiv.
Russians attacks residential buildings with drones. Several buildings damaged and burning. At least 2 dead.
Putin prepares for parade. Leaders of different countries will soon come to Moscow to congratulate him on Victory Day pic.twitter.com/tle0SrCETV
— Денис Казанський (@den_kazansky) May 7, 2025
Жртвите биле пронајдени додека пожарникарите се обидувале да ги изгаснат пожарите во станови кои избувнале откако делови од дронот паднале врз петкатницата. Во меѓувреме, во главниот град изутрината продолжија да се огласуваат сирени за воздушен напад, а Кличко им наложи на жителите да се засолнат.
Кличко рече дека уште осум лица се повредени, меѓу кои и четири деца. Службите за цивилна заштита зборуваа за пет повредени. За петтемина повредени на Телеграм зборуваше и Тејмур Ткаченко, шеф на градската воена управа.
Во една населба беа уништени делови од станбена зграда, рече Ткаченко. Во друг случај се запалиле станови на седми, осми и деветти кат од десеткатница. Погоден е и супермаркет. Украинските медиуми објавија дека се слушнале експлозии за време на тревогата за воздушен напад во градот.
Во Москва, градоначалникот Сергеј Собјанин на Телеграм изјави дека руската воздушна одбрана пресретнала девет украински беспилотни летала во текот на ноќта. Нема извештаи за штети или жртви.