Пукање на Тајмс Сквер, застрелан е маж, напаѓачот е во бегство

Маж е застрелан денес на Тајмс Сквер, Њујорк, а полицијата трага по напаѓачот, соопштија локалните власти.

Пукањето се случило околу 5 часот наутро по локално време, а жртвата се здобила со рана во десното рамо, објави „Њујорк пост“.

Еден маж (29) бил префрлен во блиската болница по инцидентот и е во стабилна состојба.

Сè уште не е познато како се случила пукотницата, но очевидци на социјалните мрежи изјавија дека четири или пет истрели биле испукани по расправија меѓу група млади мажи.

Полицијата додаде дека потрагата по напаѓачот продолжува.