СИПА пристигнала во Административниот центар на Владата на РС во источно Сараево, каде во моментов е сместен претседателот на РС Милорад Додик.
Како што е потврдено за босанските медиуми, членовите на СИПА се обиделе да го приведат Додик. На ова се спротивставија припадниците на Министерството за внатрешни работи на Република Српска.
Познато е дека судот на БиХ претходно распиша централна потерница за Додик, како и за премиерот на Српска Радован Вишковиќ и претседателот на Собранието, Ненад Стевандиќ.
Додик претходно пристигна во Административниот центар на Владата на РС во Источно Сараево, каде вечерва ќе оствари средба со градоначалникот и раководителите на општините кои го сочинуваат градот Источно Сараево.
Претходно во текот на денот Додик престојуваше во Шековиќи каде во 16 часот. присуствуваше на состанокот во врска со почетокот на гасификацијата на источниот дел на Република Српска. Таа средба се одржа во општинската зграда, како што претходно соопштија од Кабинетот на претседателот на РС.