Седум лица загинаа, а повеќе од 53 се повредени во сообраќајна несреќа што се случи во провинцијата Прачин Бури, во југоисточниот дел на Тајланд, кога туристички автобус удри во задниот дел на камион додека се движел по удолница.
Полицијата и спасувачите тврдат дека откажале сопирачките на автобусот, поради што возачот изгубил контрола, објави локалниот весник „Таират“.
Несреќата се случила утринава околу 2 часот по полноќ, кога автобусот се спуштал надолу од ридот Сала Пу Тон.