Во СВР Тетово, 43-годишник од тетовско село пријавил дека бил измамен од Т.Н. од селото Гајре, тетовско, за сума од 4.300 евра.
Според пријавеното, тој пред три години од Германија донел возило „шевролет“ кое планирал да го царини и го паркирал во гаража во Тетово.
Како што е пријавено, по некое време му се јавило лицето и му понудило да го купи возилото, по што тој без нотарски договор му го дал возилото да го проба и од тогаш не бил во државата. Како што е пријавено, неговиот син неколку пати го барал Т.Н., но тој избегнувал каков било контакт со нив, ниту пак кажувал каде е возилото.
Полицијата тврди дека презема мерки за расчистување на случајот.
