Еден пожарникар, кој учествува во гаснењето на пожарот во Струмица, колабирал, и е приклучен на инфузија во струмичката болница.
5-ти ден трае борбата со огнената стихија.
„Двата пожара сега тлеат, има чад и понекаде пламен“, вели за А1, градоначалникот на Струмица, Зоран Заев.
100-луѓе на две локации се обидуваат да ги лоцираат пожарите и ги оградуваат за да не се прошират.
Ќе се гасне до 20 часот, а потоа поради непристапниот и непрегледен терен , ќе остане дежурна екипа, комплетно опремена со фенери, воки-токи, која нема да дозволи проширување и веднаш ќе алармира за состојбата.
Заев, кој цело време со пожарникарите и вработените од шумското стопанство работат на гаснење на пожарите, вели дека од огнената стихија загинаа двајца, 12 се повредени и е уништена 200 хектари борова шума.