Европската унија ќе и даде на Грција 134 милиони евра за поддршка на четири гасни инфраструктурни проекти, соопшти прес-службата на Европската комисија.
Како што јави ИТАР-ТАСС, овие средства ќе и помогнат на Атина да го прошири и засили својот гасен систем.
– Средствата ќе придонесат за засилување на конкуренцијата меѓу дистрибутерите на гас и ќе бидат од корист за потрошувачите, истакна еврокомесарот за конкуренција Хоакин Алмунија.
Меѓу финансираните проекти е завршување на изградбата на терминалот за течен гас во близина на Атина и изградбата на гасно-компресорска станица кај Солун.