За градоначалникот Жерновски, идејата на акцијата „Претседавач“ не е случајна и нема намера да ја третира работата во „Машинопромет“, туку да ја блокира работата во општината.
– За мене ова не е никаква случајност. Со ова се спречува реализирање на изборните ветувања, со ова се спречува поништување на ДУП – овите и нормално функционирање на општината, бидејќи на дневен ред имаме ребаланс на буџетот, а потоа и усвојување на буџетот.
– Како еден детаљ, на наредната седница требаше да имаме ребаланс за парното греење што значи дека училиштата и градинките ќе останат без парно греење, бидејќи општината нема да обезбеди програмски простор со буџетот тоа да го плати – изјави Жерновски.
Како што рече градоначалникот на Центар, омилените владини новинари, по акцијата „Претседавач“, најавуваат дека ќе следува нова акција наречена „Градоначалник“.
– Диктатурите се разликуваат по нивното траење, но на крај завршуваат поразени од народот – изјави Жерновски.
Петар Клинчарски
