По повод големиот национален празник 11-ти Октомври во Прилеп се одржаа низа свечености.
Градоначалникот на општина Прилеп Марјан Ристески и претседателот на Советот на општина Прилеп Никола Димески беа домаќини на претседателот на Р. Македонија Ѓорѓе Иванов, министерот за информатичко општество и администрација Иво Иваноски, заменик министерот за земјоделие Зоран Коњаноски, заменик министерот за локална самоуправа Ѓорѓија
Стајкоски.
„Прилеп секогаш несебично застанувал на браникот на Татковината, така било – така ќе биде и понатаму. Во антифашистичката револуција градот херој има дадено преку 600 жртви на кои денес им се поклонуваме“ – рече градоначалникот на општина Прилеп Марјан Ристески.