Петров: „Работно лето“ предизвикува нервоза кај ВМРО-ДПМНЕ

Од:

Иако се соочуваат со притисоци, заканувања и уцени, граѓаните масовно се приклучија кон овој проектот „Работно лето“, со што дојдовме до одлични предлози и решенија и затоа слободно можеме да констатираме дека Македонија навистина ова лето крева глас“, рече Андреј Петров.

Одлучивме, рече, работното лето да го продолжиме и во наредниот период. Со новиот распоред, проектот ќе трае и во текот на август, септември и октомври и тоа со следната динамика:

Следниот викенд, партијата се сели во Охрид каде ќе го промовира кандидатот за градоначалник Александар Петрески.

Поради чествување на илинденските празници, наредниот викенд односно 4и 5 август,СДСМ нема да има партиски активности, а воедно ги повика сите членови, активисти и подржувачи, да земат активно учество во чествувањето на овој голем македонски празник, на достоинствен начин и без партиски обележја.

Потоа, рече Петров, учесниците во проектот „Работно лето“, ќе добијат заслужен одмор од една седмица.

„Оние кои сакаат да го фотографираат партиското раководство при нивните одмори, ги информираме дека во тој период ќе имаат можност за тоа“, рече Петров.

Второто полувреме од работното лето го започнуваат на 19-ти август со посета на Крушево и околните места. На 26-ти август, партијата се сели во Ресен и преспанската околина, а на 2-ри септември, Кавадарци и околните места. На 8-ми септември поради државниот празник нема да има партиски активности, а на 16-ти септември на ред е Битола.

„Распоредот за понатамошните посети ќе биде дополнително објавен, но секако големиот митинг во Скопје, кој ќе означи кулминација на работното лето, согласно новиот распоред го закажуваме на 28 Октомври, кога ќе ги промовираме кандидатите за градоначалници на сите скопски општини, како и кандидатот за градоначалник на Скопје.Свесни сме дека овој проект предизвикува голема нервоза кај ВМРО-ДПМНЕ, која произведува агресивна, плукачка и долна кампања од страна на нивната пропагандна машинерија. Очекуваме дека со продолжување на активностите од проектот „работно лето“, истата само ќе се засили. Тоа само ни покажува дека сме на вистинскиот пат и во оваа прилика сакаме да порачаме. Слободно ВМРО, нека се бави со СДСМ. Додека тие се бават со нас, ние ќе се бавиме со проблемите на граѓаните“, рече Петров на прес конференција.

Би можело да ве интересира

(ВИДЕО) Фрчкоски: Мицкоски и Славески брзаат да ја продадат Алта банка за џабе – кој ќе ја плати цената?

Горан Наумовски

СДСМ: Нема пари, 51 милион евра не се префрлени во вториот столб

(ВИДЕО) Кузеска: Една недела нема одговор од Савески за Алта банка и кривичната – им купува време на Мицкоски и Славески?

А1он

СДСМ: Мицкоски и Кочоска најавуваат задолжување од 2 милијарди евра во 2027 година

А1он

(ВИДЕО) Тренчевска: Насилникот од Охрид не е сам – проширување на истрагата и казни за сите што му помагале да се заташка

СДСМ: Тепачот на Сара, насилникот од Охрид бил пуштен на слобода поради врски со ВМРО – ДПМНЕ