Децата од градинката Раде Јовчевски – Корчагин по повод детската недела ја посетија општина Центар.
“Како се станува градоначалник?“ го прашаа децата Жерновски. Се интересираа што се работи во општината, колку деца има тој и дали посетувале градинка?
“Основните знаења моите деца ги стекнаа во градинка. Тоа е почетокот на образованието и воспитувањето на секое дете. Затоа градинката е значајна и основа за натамошнот развој на секое дете“, им порача Жерновски.
Децата од градинката на градоначалникот на општина Центар му покажаа што знаат и умеат, а тој ги прошета низ просториите на општината покажувајќи им што и како се работи.
