Дамјан Манчевски, потпретседател на СДСМ денеска изјави дека хајката, како што рече, која МВР ја започна против претседавачот на Советот на општина Центар Мирослав Шиповиќ покажува дека е политичка и одмаздничка, а не правна акција.
– Срамота е да се тврди дека Шиповиќ е во бегство, кога и советниците од ДПМНЕ од Центар знаат дека тој е повеќе од 3 недели во странство заради здравствени причини на член на неговото најтесно семејство. По се изгледа, ова е уште еден обид на власта да ја блокира општината Центар и да ја погази волјата на нејзините граѓани, изјави Манчевски.
Според него, „МВР продолжува да ја крши уставната и законска гаранција за пресумпција на невиност со голема медиумска злоупотреба“.