Европската комисија треба да ги засили напорите во борбата со илегалната имиграција, пред се од Бугарија и од Романија, изјави германскиот министер за внатрешни работи Ханс-Петер Фридрих во интервју за германскиот весник „Велт“.
Тој посочи дека злоупотребата на слободата за движење во Европската унија создава големи проблеми во германските градови и општини.
– ЕК треба сериозно да се однесува кон нашата загриженост. Треба да имаме можност, ако едно лице го злоупотребило правото на слобода на движење, да може да му се забрани повторно да влезе во земјата, посочи Фридрих.
Тој нагласи дека слободата на движење не го дава правото да се добива социјална помош со измама.