Рускиот претседател Владимир Путин оцени денеска дека Сирија многу активно соработува за хемиското разоружување и оти Москва и Вашингтон се согласни во поглед на начините на кои треба да се елиминира хемиското оружје во таа држава.
– Имаме заедничко разбирање за тоа што треба да се направи. Многу ми е драго дека претседателот Обама зазема свој став, изјави Путин по состанок со американскиот државен секретар Џон Кери во рамки на заседанието на Азиско-пацифичката економска соработка што се одржува на Бали.
Путин додаде дека се надева оти меѓународните експерти кои почнаа процес за ставање под контрола на сирискиот хемиски арсенал, ќе ја лишат Сирија од тој вод оружје во следните 365 дена.