Тетовската полиција поднесе кривична пријава против С.П.(43) од Гостивар, вработен во полицијата, поради сомневање дека сторил две кривични дела: „злоупотреба на службена положба и овластување“ и „примање поткуп“.
Тој е осомничен дека како вработен во СВР Тетово му го вратил возилото на лице на кое му било одземено поради учествуво во сообраќајна несреќа. Вработениот во СВР Тетово во неколку наврати земал поткуп за да му го врати возилото и на сопственикот на возилото да помогне во обезбедување царински и други документи за легализирање на возилото.
Истражен судија на С.П. му одредил мерка притвор од 30 дена.