Во организација на Градскиот комитет на ВМРО-ДПМНЕ денеска во спортско рекреативниот центар во општина Сарај се одржа настан на тема „Посветени на семејството, посветени на иднината“.
– Денешниов заеднички пикник не само што ќе ги разбуди спомените, но и ќе испише нови. Со денешното дружење ќе испратиме силна порака, а тоа е дека заедништвото, дружењето, блискоста и негувањето на традицијата се важни, а традицијата создадена во некој изминат период треба да се негува. Демохристијанската идеологија е токму онаа идеологија која што најдобро го опишува македонскиот човек, рече Генералниот секретар на ВМРО-ДПМНЕ Емил Димитриев во обраќањето пред присутните во Сарај.
Негувањето на семејството и семјните вредности, додаде, се приоритети на секое општество.
– Одредувањето на приоритетите во животот и местото кое ќе му го дадеме на нашето семејство ќе имаат огромно влијание на животот на нашите деца, рече Димитриев.
Пратеникот Влатко Ѓорчев истакна дека овој хепенинг е едно потсетување дека треба и мора да останеме приврзани на семејните вредности.
– Од сите улоги кои ги имаме во животот, од сите приоритети најважен е еден – семејството и децата. Тоа е една трајна вредност карактеристична за нашава земја и нашиот народ, рече тој.
Градоначалникот на Град Скопје Коце Трајановски ги повика сите граѓани да ги негуваат вредностите на семејството и да си посветуваат повеќе време едни на други.
-Семејството е основната и најважната клетка на функционирањето на едно општество. Имаме многу програми кои потикнуваат многудетно семејство. Што повеќе да се дружиме и секој слободен миг да му го посветуваме на семејството, рече Трајановски.