СДСМ: Започна процесот на т.н. интернет лустрација

Од:

СДСМ, како што рече Ана Павловска Данева, потпретседател на партијата, ја предупредува јавноста дека започна процесот на таканаречена интернет лустрација, кој наместо да расчисти со соработниците на службите од минатото, ќе се претвори во најголемото реално шоу во Македонија.

Според неа, македонската јавност треба да биде подготвена да ги прими сите извештаи на оперативните служби во кои се наоѓаат приватни детали од животот на илјадници граѓани, кои на еден или на друг начин се нашле во извештаите на службите, иако, подвлече,  најверојатно никогаш не соработувале со нив, ниту претпоставуваат дека се во нечии извештаи.

„На мета нема да бидат само соработниците на службите, туку и оние кои биле предмет на обработка и оние кои случајно се нашле во извештаите на службите. Иако тие нема да бидат лустрирани, детали од нивниот живот, тајните кои сметале дека само тие ги знаат и секако пикантериите кои би биле атрактивни за јавноста ќе се најдат на интернет страниците на комисијата, а потоа сè ќе прерасне во едно медиумско-лустрациско реалити шоу“, рече на денешната прес – конференција Павловска Данева.

Според неа, актуелниот Закон за лустрација содржи законски решенија кои се неуставни.

Би можело да ве интересира

(ВИДЕО) Фрчкоски: Мицкоски и Славески брзаат да ја продадат Алта банка за џабе – кој ќе ја плати цената?

Горан Наумовски

СДСМ: Нема пари, 51 милион евра не се префрлени во вториот столб

(ВИДЕО) Кузеска: Една недела нема одговор од Савески за Алта банка и кривичната – им купува време на Мицкоски и Славески?

А1он

СДСМ: Мицкоски и Кочоска најавуваат задолжување од 2 милијарди евра во 2027 година

А1он

(ВИДЕО) Тренчевска: Насилникот од Охрид не е сам – проширување на истрагата и казни за сите што му помагале да се заташка

СДСМ: Тепачот на Сара, насилникот од Охрид бил пуштен на слобода поради врски со ВМРО – ДПМНЕ