Српскиот заменик-премиер Александар Вучиќ вчера потпиша неколку меморандуми за разбирање со шеик Халдун Калиф ел Мубарак, генералниот директор на фирмата „Мубадале“ од Обединети Арапски Емирати (ОАЕ).
– Ако соработката со ОАЕ до крај ги реализира плановите за изградба на фабрика за чипови и за делови за авиони, Србија ќе стане мало балканско чудо, посочи Вучиќ.
Ел Мубарак наведе дека со Србија со потпишувањето на четирите меморандуми направен е чекор за инвестирање во Србија и најави дека ќе се потпишат уште неколку договори.
– Се зависи од ангажманот, посветеноста и знаењето на луѓето во Србија… За две години може да стане реалност авионите кои летаат по цел свет да имаат делови произведени во Србија, посочи Вучиќ.
Ел Мубарал е еден од најблиските соработници на претстолонаследникот на ОАЕ, АбуДаби Мухамед бин Зајед ал Нахјан. Тој е член на управата на Првата заливска банка, на „Алдар недвижности“ и на „Ферари“. Ел Мубарак е и претседател на фудбалскиот клуб Манчестер од 2008 година.