ВМРО-ДПМНЕ во писмената реакција на денешната прес-конференција на СДСМ ги отфрли обвинувањата за Музејот на ВМРО како неточни.
– Денешната прес-конференција е само обид да се замае јавноста од матните набавки кои ги правел нивниот лидер Зоран Заев, кој во својство на градоначалник си делел тендери и пари на свои роднини, на лични пријатели и бизнис партнери и тоа не еден, туку десетици тендери, се вели во реакцијата.
Партијата потсетува дека со повеќечасовен отчет Владата ги презентирала најситните детали од реализацијата на проектот „Скопје 2014“ и оти во него нема ништо спорно.
– Сумите опфатени со анекс договорите за кои денес говореше Дамјан Манчевски се комплетно неточни и измислени. Секоја постапка е направена согласно законските процедури. Фактите покажуваат дека противењето на СДСМ против проектот Скопје 2014 е противење на изградба на објекти, кои како трајна вредност остануваат да им служат на граѓаните, истакнува ВМРО-ДПМНЕ.