Нападната е неодамна затворена пумпна и мерна станица за гас во Суџа во западната руска област Курск, а според извори блиски до руските безбедносни служби, оштетен е и гасоводот.
🔥Powerful burning of Sudzha gas pipeline, through which 🇷🇺Russian gas was sent to Europe.
❗️It is not yet known who hit it. pic.twitter.com/btypjJOgZP
— Cloooud |🇺🇦 (@GloOouD) March 20, 2025
Украинската војска на својот канал на Телеграм објави слика од „огнена топка“ која се издигнува кон небото со натпис: „Медиумите известуваат за успешен удар на системот за транспорт на гас кај Суџа преку кој непријателот транспортирал гас во Европа“.
Нема официјални изјави за инцидентот од владини претставници во Киев или властите во Москва.
Според Ројтерс, главните мерни објекти на гасоводот што го транспортирал рускиот природен гас до украинскиот систем за транспорт на гас за натамошен транспорт во Европа, биле лоцирани во Суџа. Во исто време, оваа станица беше единствената транзитна точка за рускиот гас за Европа, додека Украина не одби да го продолжи договорот за транзит во јануари годинава.