Преселувањето на Палестинците од Појасот Газа во земјите од регионот, наместо да се спроведе решение за две држави, само ќе постави темпирана бомба во палестинско-израелските односи, изјави денеска рускиот министер за надворешни работи Сергеј Лавров.
„Прашањето за создавање палестинска држава е клучно и ако има обид да се поткопаат овие одлуки на Советот за безбедност и да се замени создавањето на палестинска држава со преселување на Палестинците низ целиот регион, тоа само ќе активира темпирана бомба, како што се случуваше постојано во текот на долгите децении на игнорирање на барањата за решение за две држави“, рече Лавров на прес-конференцијата на Катар.
Тој рече дека разговарал за руско-катарски состаноци на различни нивоа со катарскиот емир Тамим бин Хамад ал Тани, вклучително и за планираниот состанок на меѓу владината комисија во Москва во март.
„Покрај тоа, претстојат контакти меѓу одделите за надворешна политика и постои интерес од двете страни за средби на високо ниво“, рече Лавров.
