Четириесет и двегодишниот Маријан И. од кумановската населба Бедиње денеска претпладне ги убил Фросина С. (39) и Валентина С. (45), а по извршените убиства се самоубил.
Тој денеска околу 11 часот и 30 минути дошол во куќата на Фросина во населбата Бедиње и со пиштол ги убил неа и Валентина, која била во нејзината куќа. По извршените убиства Маријан И. се самоубил.
Увид на местото на настанот извршија истражен судија, јавен обвинител од Основното јавно обвинителство од Куманово, увидна полициска екипа и тим на судска медицина.
Полицијата работи на расчистување на настанот и мотивите за двојното убиство и самоубиство.