Високиот претставник на Европската Унија за надворешна политика и безбедност Каја Калас изјави дека Газа никогаш повеќе не смее да биде рај за теророт и повика на втора фаза од договорот за ослободување на заложниците со Хамас.
Говорејќи на прес-конференција по состанокот на Советот за асоцијација меѓу израелскиот министер за надворешни работи Гидеон Сар и министрите за надворешни работи на ЕУ, Калас повика на преминување во втората фаза од договорот за ослободување заложници со Хамас, објави Тајмс оф Израел.
Таа се изјасни и против предлогот на американскиот претседател Доналд Трамп за преселување на жителите на Газа, велејќи дека „Палестинците мора да можат да живеат во Газа“.