Високиот претставник на Европската унија за надворешна политика и безбедност, Каја Калас, денеска изјави дека повеќе од 80 украински цивили загинаa во руски напади во текот на два дена и дека суспензијата на санкциите за рускиот дизел ѝ носи на Москва дополнителни приходи за војната.
Таа на платформата „Икс“ напиша дека Москва ги интензивира хибридните напади врз Европа, како врз земјите-членки на ЕУ, така и врз сојузниците во НАТО.
Russian strikes killed over 80 Ukrainian civilians in two days. Moreover, it has stepped up its hybrid attacks against Europe, both EU Member States and NATO Allies.
Suspending sanctions on Russian diesel provides Moscow with more revenues to wage war.
This is not the time to ease pressure on Russia, and Europe won’t.
On Monday, EU Foreign Ministers intend to approve the biggest set of sanctions listings targeting Russia’s war machine since the start of the war.
— Kaja Kallas (@kajakallas) October 10, 2026
„Суспензијата на санкциите за рускиот дизел ѝ носи на Москва дополнителни приходи за водење на војната. Ова не е момент за олеснување на притисокот врз Русија и Европа нема да го стори тоа“, истакна Калас.
Таа додаде дека министрите за надворешни работи на ЕУ имаат намера во понеделник да го одобрат најголемиот пакет санкции од почетокот на војната, насочен кон актери поврзани со руската воена машина.
Претседателот на САД, Доналд Трамп, и претседателот на Русија, Владимир Путин, вчера постигнаа договор за испорака на неколку милиони тони дизел-гориво од Русија на американскиот и светскиот пазар, за што Трамп процени дека ќе доведе до брз и значителен пад на цената на тој енергенс.
Трамп на својата социјална мрежа „Трут соушл“ изјави дека Русија веднаш ќе испорача повеќе од 300.000 тони дизел, уште 500.000 тони во текот на ноември, а потоа и еден милион тони во наредниот период.