Словачкиот премиер Роберт Фицо денеска изјави дека Европската Унија мора да се „отцепи“ од војната во Украина и да сфати дека мора да биде суверена во своите позиции и мислења доколку сака да опстане.
Фицо, коментирајќи го телефонскиот разговор меѓу американскиот претседател Доналд Трамп и рускиот претседател Владимир Путин, ја критикуваше ЕУ дека нема доволно информации за односите меѓу САД и Русија, наведувајќи дека за исходот од војната во Украина ќе одлучуваат Трамп и Путин, пренесе ТАСР.
– Ние во ЕУ немаме поим што всушност се случува во односите меѓу САД и Русија, кои се клучни за ставање крај на овој воен конфликт. Не знам дали е малку непријатно кога некои членки и институции на ЕУ бараат место на преговарачката маса, рече Фицо.