Сообраќајот на патниот правец Скопје – Македонски Брод низ територијата на ЈП „Јасен“ од денеска ќе се одвива наизменично.
Од Скопје кон Македонски Брод патот ќе биде отворен од 7:30 до 8:30 часот и од 14:30 до 15:30, а од Македонски Брод кон Скопје од 6 до 7 и од 16 до 17 часот.
Доколку има наноси од снег патот може да биде затворен на неопределено време.
Поради изведување, пак, на градежно-асфалтерски работи на коловозот на патниот правец Фурка-Дојран Р-1 501, од утре во наредните 10-15 дена сообраќајот ќе се одвива по една коловозна лента и ќе биде регулиран со соодветна патна сигнализација.
