Одделението за илегална миграција и превенција при Регионалниот центар-Север поднесе кривична пријава против И.Н. (49), Х.С. (35) и И.Е. (40), сите од Скопје, за сторено кривично дело „злоупотреба на безвизен режим со државите членки на Европската унија и на шенгенскиот договор“, а И.Н. дополнително е пријавен и за „недозволено преминување на државната граница“.
МВР денеска соопшти дека на 26.09. на граничниот премин Табановце од страна на српските власти се депортирани 31 лице македонски државјани кои илегално оствариле излез од Македонија во Србија. По преземени мерки е утврдено дека претходниот ден депортираните лица, со две комби-возила заедно со И.Н. за износ од 250 евра по лице, биле превезени до село Лојане од каде И.Н со помош на три непознати лица на илегален начин ја префлиле групата во Србија, додека Х.С. и И.Е. требало да ги пренесат патните торби на депортираните во Прешево.
При извршен преглед на теренот во близина на границата се пронајдени Х.С. и И.Е. во возило со патните торби. Истражен судија на пријавените им одреди мерка притвор во траење од по 30 дена.