Инспекторите пронајдоа птичји пердуви и крв во два мотори на авионот Боинг 737-800 кој се урна во Јужна Кореја кон крајот на декември, изјави за Ројтерс лице запознаено со истрагата.
Министерството за транспорт на Јужна Кореја се уште не ги коментира овие наводи.
Во авионската несреќа на патничкиот авион „Боинг 737-800“ на јужнокорејската компанија „Џеџу ер“ на линијата од Бангкок до Муан, на 29 декември, загинаа 179 лица, а две лица беа спасени, соопштија властите во Сеул.
Сите 175 патници и четворица членови на екипажот загинале, а двајца членови на екипажот преживеале, кога авионот принудно слетал, удрил во бетонски ѕид, експлодирал и се запалил.
Извештаите во медиумите сугерираат дека можни причини за несреќата може да бидат удар на птица, проблеми со тркалата или ѕид на крајот од пистата.