Во правците на Купјанск, Краматорск и Торец, поради руските јуришни операции, уништени се одредени позиции на одбранбените сили на Украина, соопшти украинската војска.
„Поради непријателски напади и удари, некои наши позиции се уништени. Се преземаат мерки за спречување на влошување на тактичката позиција“, соопшти денеска на Телеграм украинската воена оперативна единица „Хортиција“, пренесува Укринформ.
Украинската војска исто така објави дека во текот на ноќта биле соборени 47 руски беспилотни летала, додека други 27 исчезнале од радарите без да стигнат до своите цели.