За време на изборен митинг на Слободната демократска партија (ФДП) во Грајфсвалд, Германија, во покраината Мекленбург-Западна Померанија, поранешниот министер за финансии Кристијан Линднер беше нападнат од членка на локалниот огранок на Младата левица.
Додека Линднер држеше говор, млада жена му приоѓа одзади, му кажа неколку зборови, а потоа му фрли торта в лице. Линднер реагираше така што и нанесе дел од пената на косата, по што обезбедувањето ја собори на подот.
Der Wahlkampf geht los. Bei seinem Einsatz für die Wirtschaftswende lässt CL sich durch nichts aufhalten. 🎂😂 TL pic.twitter.com/CoESmczmyY
— Christian Lindner (@c_lindner) January 9, 2025
Die Welt објави видео од инцидентот, на кое се гледа како Линднер брзо се смирува и го продолжува говорот. Откако ја проба пената, изјави: „За жал, тоа не беше крем, само сапун. Барем можеа подобро да го направат тоа, тогаш ќе имав корист од тоа“. На хартиената чинија на која беше послужена тортата пишуваше „За љубовта на слободата“, со нацртано срце.
Членот на извршниот комитет на покраината Северна Рајна-Вестфалија на ФДП, Ана Нојман, коментираше за платформата Х: „Денеска торта, утре нож? Насилството, без разлика од кој агол, ја загрозува нашата демократија“.
Сојузниот министер за здравство Карл Лаутербах (СПД) додаде: „Започнува со торта, а завршува со камења или експлозиви. Бруталноста на политичкиот процес и штети на демократијата“, повикувајќи на казнување на напаѓачот. Линднер на својот официјален профил сподели видео од инцидентот со коментар: „Почнува изборната кампања. „КЛ нема да биде запрена во борбата за економски пресврт.