Реалноста во маркетите и продавниците којашто граѓаните ја гледаат секој ден е дека цените не само што останаа високи, туку кај некои производи и дополнително се зголемија, вели Лолита Ристова од СДСМ.
Таа на прес конференција рече дека партијата ги проверила центите по маркетите.
– Цената на зејтинот сега е 97 денари, а на 1 октомври се продаваше за 83 денари. Значи имаме зголемување а не намалување.Јајцата кои се продаваа од 75 до 85 денари сега се над 100 денари. Од 107 до 140 денари. Исто така покачување на цените. Кај мешаното сирење нема промени и цените се движи околу 450 денари – непроменето. Кашкавалот е поскапен и сега е над 600 денари за килограм. Јогуртот со 3,2% масленост, во некои маркети достигна и над 72 денари, исто така зголемена цена. Намалувањето кај кравјото сирење е минимално – само 5 денари, и сега е 398 денари за килограм. Ова е реалноста, ова се фактите кои јасно ја покажуваат измамама која со кошничката им ја приреди власта на граѓаните, рече Ристова.
Според неа, ако власта ја прифатела идејата на СДСМ за укинување на ДДВ за основните прехранбени производи, едно семејство би заштедило 2.000 денари месечно, или 24.000 денари годишно.
– Тоа што власта не ја прифати оваа мерка покажува дека Мицкоски им удоволи на трговците и дозволи тие да се богатат на грбот на граѓаните, вели Ристова.