„За разлика од ДПМНЕ, СДСМ нема да изигрува ниту судија, ниту обвинител, ако има некакви сознанија за злоупотреби од било кого, постојат надлежни институции и органи кои во законска процедура треба да постапуваат. Но, клучното прашање е зошто ако знаеле го пуштија Груби слободно да помине граница?’“ прашуваат од СДСМ.
Од опозициската партија соопштија дека „вакви или слични дилови со ДУИ, ДПМНЕ прави цело време. Хашките случаи, т.е. толкувањето на законот којшто заедно го усвоија ДПМНЕ и ДУИ дозволи амнестирање на дела кои се подведуваат под квалитатив Злосторства против човештвото“.
„Со тој дил ДПМНЕ ги предаде жртвите на тортура и нехуман третман кои доминантно беа Македонци. Ништо не го пере ДПМНЕ за тоа што му овозможија на Груби слободно да ја напушти земјата преку граничниот премин Блаце. Границата кон Косово ДПМНЕ ја сведе на решето за слободно поминување на криминалци и терористи“ велат од партијата чиј став е дека министерот Тошковски треба „да понесе одговорност и да поднесе оставка“.