Во сообраќајка тешко повреден е возач

Во полициската станица во Валандово е пријавено дека на регионалниот пат село Фурка – Валандово, во близина на село Дедели, се случила сообраќајна несреќа помеѓу „фолксваген кеди“ управувано од В.Г.(56) од Валандово и влекач „сканиа“ управуван од З.Р.(47) од Радовиш.

Во несреќата со тешки телесни повреди се здобил возачот В.Г., констатирани во Општата болница Гевгелија. Извршен бил увид од увидна екипа од ОВР Валандово.