Неосновани се тврдењата дека Русија се меша во претседателските избори во Романија, изјави денеска портпаролот на Кремљ, Дмитриј Песков.
Врховниот суд на Романија денеска нареди пребројување на гласовите од првиот круг на изборите, поради наводите дека Романија е нападната од руските непријателски дејствија.
Песков изјави за новинарите дека постои тренд на Запад да се обвинува Москва за се што се случува, пренесува Ројтерс.
Романија би можела да ги повтори претседателските избори во првиот круг, изјави во петокот висок изборен функционер, откако екстремно десничарскиот независен политичар Калин Ѓордеску излезе од никаде и извојува шокантна победа што предизвика сомнеж за кампањата.